Visións de cine: onde empezan as historias

Os días 31 de outubro e 21 de novembro teremos os encontros 'Visións de cine', unha actividade incluída na programación do

Outono Cultural

. Da man de catro profesionais poderás achegarte dunha maneira moi afable ao mundo do cine. En cada sesión se tratará unha temática diferente: o 31 de outubro 'Onde empezan as historias' e o 21 de novembro 'Onde suceden as historias'. Pepe Coira, Andrés Goteira, Adra Pallón e Clara Coira serán as persoas relatoras. Elixirán dúas secuencias e a partir de aí todo estará por contar, todo por falar e analizar. O acceso é libre e de balde.

Esta actividade enmárcase dentro da programación artellada ao abeiro do convenio Lugo Cultural que desenvolven a Universidade de Santiago de Compostela, Cultura e Turismo do Concello de Lugo e a Vicepresidencia da Deputación Provincial de Lugo.

Fuente:

https://www.usc.gal//gl/servizos/area/cultura/eventos/visions-cine-onde-empezan-historias