VII Curso de Formación sobre o Patrimonio Lúdico

VII curso de formación sobre o patrimonio lúdico Entre os días 8 e 10 de maio de 2026 desenvolverase en Muimenta o VII curso de formación sobre o patrimonio lúdico, II escuela de verano de juegos tradicionales Iberia Ludens, “xogo, sustentabilidade e inclusión”. A actividade, coorganizada por Nova Escola Galega, está en trámite de homologación e contará con 16 horas de formación certificables pola Consellería de Educación.

O curso está destinado a profesorado de ensino primario e secundario en xeral, educadoras/es do tempo libre, alumnado universitario e persoas interesadas no patrimonio lúdico e na cultura tradicional, en xeral. Establécese un máximo de 70 prazas que serán cubertas por rigorosa orde de inscrición.

O custo da matrícula ata o día 30 de abril será de 30 euros para estudantes, persoas en situación de desemprego e pensionistas (precisa de xustificación documental) e de 50 euros para o resto de inscricións. A partir do 1 de maio, o importe será de 40 e 60 euros, respectivamente.

O programa completo así como toda a información relacionada con este congreso, pode consultarse na súa propia web:

https://7cursopatrimonioludico.weebly.com/