Proxección do filme 'Rapa', de Alejandro Enríquez

O Club Cultural Valle-Inclán proxecta o filme 'Rapa', de Alejandro Enríquez (España, 2024, 115 min, VOG) nas Sesións de Filmoteca da

Primavera Cultural

2026. Será o mércores 27 de maio no Salón de Actos da Casa do Saber ás 19.30 horas.

"O cabalo galego de monte está desaparecendo, só unhas poucas bestas resisten acosadas polos ladróns de gando, os lobos… e agora tamén polos parques eólicos. Ao seu carón, a pequena aldea de Sabucedo preserva algo único: un vínculo ancestral e íntimo cos cabalos salvaxes. Os conflitos dos cabalos son os conflitos da comunidade, pero case non quedan veciños para defender o territorio. Unha vez ao ano a aldea celebra a “Rapa das Bestas” e 15 mil persoas acoden a presenciar o atávico: os veciños cortando as críns dos caballos nun enfrontamento corpo a corpo. Mais todos se van e ningúen ve a realidade detrás da Rapa: cada ano hai menos gando no monte e, como nun espello, tamén queda menos xente na aldea.” FILMOTECA DE GALICIA

Esta actividade desenvólvese segundo o convenio asinado pola Xunta de Galicia e a Federación de Cineclubes de Galicia.

A entrada é de balde para a comunidade universitaria.

Fuente:

https://www.usc.gal//gl/servizos/area/cultura/eventos/proxeccion-filme-rapa-alejandro-enriquez