Proxección do filme 'Dúas mulleres', de Vittorio de Sica

O Club Cultural Valle-Inclán proxecta o filme 'Dúas mulleres', de Vittorio de Sica (Italia, 1960, 100 min, VOSE), nas Sesións de Filmoteca do

Outono Cultural

2026. Será o mércores 21 de outubro no Salón de Actos da Casa do Saber do campus de Lugo ás 19.30 horas. A entrada é de balde e libre para a comunidade universitaria. Unha vez iniciada a proxección, non se permitirá o acceso á sala.

Esta actividade desenvólvese segundo o convenio asinado pola Xunta de Galicia e a Federación de Cineclubes de Galicia.

Dúas mulleres

Unha muller viúva escapa de Roma durante a Segunda Guerra Mundial para refuxiarse xunto á súa filla adolescente no seu pobo natal entre as montañas. Alí todo parece estar en paz, aínda que quizais non por moito tempo. De Sica abandona o neorrealismo que o caracterizara durante os anos corenta e cincuenta para compoñer un fresco a grande escala da Italia rural durante a guerra, con grandes recursos e no que figuran Sophia Loren e Jean-Paul Belmondo como protagonistas. Esta adaptación de Alberto Moravia fíxolle gañar a Loren en Cannes e nos Oscar os galardóns de mellor intérprete feminina. FILMOTECA DE GALICIA.

Fuente:

https://www.usc.gal//gl/servizos/area/cultura/eventos/proxeccion-filme-duas-mulleres-vittorio-sica