POR QUE NON CANTADES TODAS? · CANTAREIRAS · CANTIGAS E AGARIMOS

FESTIVAL C · LETRAS · MÚSICA · POESÍA AO SOLPOR

CANTIGAS E AGARIMOS

Idade recomendada: Todos os públicos

Duración: 40 min

Cantareiras

é unha celebración do patrimonio oral galego a través da forza rítmica e emocional das voces e das mans das mulleres. No marco do Festival C, as pandeireteiras de Cantigas e Agarimos achegan un espectáculo que honra a tradición que tantas veces chegou ata nós a través da voz anónima das transmisoras: as cantareiras que gardaron na memoria colectiva os versos da terra.

Formado por catorce mulleres, o grupo interpreta un repertorio tradicional recollido de todas as zonas de Galicia, empregando instrumentos populares como pandeiretas, pandeiros cadrados e redondos, latas ou cunchas. A súa proposta é, ao tempo, celebración e responsabilidade: dar continuidade a unha cultura que nos define como pobo e que foi transmitida xeración tras xeración grazas ao saber e á creatividade das

mulleres.

Con máis de cen anos de historia, Cantigas e Agarimos é unha referencia no folclore galego, e as súas pandeireteiras representan unha das voces máis recoñecibles e vibrantes desa herdanza inmaterial.

Fuente:

https://www.compostelacultura.gal/espectaculos/evento/por-que-non-cantades-todas-%C2%B7-cantareiras-%C2%B7-cantigas-e-agarimos