Literatura feminismotik: "Geratzen dena" (Ione Gorostarzu)

Euskarazko emakume idazleen lan garaikideak ikuspegi feminista batetik irakurtzeko tailerra. Hala, azken urtean argitaratutako lanak irakurriko ditugu, egungo testuinguru eta bizipenetatik. Helburua da emakume idazleak ezagutaraztea, eta egun garatzen ari diren kezka, diskurtso eta proposamenak denen artean hausnartzea eta horiek genero ikuspegi eta ikuspegi feminista batetik irakurtzea.

Gidaria: Alaine Agirre

Oraingoan: Geratzen dena. Ione Gorostarzu

Aitaren heriotzak ardazten duen poemarioa: bat-bateko albisteak eragindako shocka, doluaren faseak, hildakoaren oroitzapenak, norberaren identitatean aurrekoek utzi diguten arrastoa, eta bizimodu berrira egokitzea azkenik, gertatutakoak gertatu eta gero: errutinara itzultzea, seme-alaben zaintza… Bizitzaren katearen jarraipena.