Ictus (a derradeira leición de anatomía do Dr. Castelao)

FUNCIÓNS ACCESIBLES

• Lingua de signos

• Audiodescripción

• Visita táctil

• Bucle magnético individual

• Son amplificado con auriculares

• Programa de man en Braille (unidades limitadas) e de lectura fácil

De Chévere

Un personaxe entra en escena e conta que sufriu un ictus que lle impide completar os seus recordos. Sabe que tivo o ictus ao saír da Cidade da Cultura, despois dun acto que o goberno organizou para recibir o cadro de Castelao titulado A derradeira leición do mestre. Pero non lembra por que estaba alí ou por que lle interesaba ese cadro.Non pode lembrar nada anterior a que lle dera o ictus. Por iso necesita reconstruír todo o que esqueceu. Necesita recordar os detalles e completar os recordos que lle comprenpara non quedar illada e para non esquecer quen é.Vai empezar por reconstruír o momento inmediatamente anterior ao ictus,cando se supón que estaba nese acto na Cidade da Cultura. Para iso elabora un test de memoria que envía a outras persoas que estiveron no acto.Quere saber por que estaba alí.Quere sabelo todo sobre aquel cadro.É o seu xeito de non esquecer o que importa.

Con Patricia de Lorenzo, Miguel de Lira, BorjaFernández, Gema Santos, Marcos Pereira

Dramaturxia/Dirección: Xron

Unha coprodución de Chévere co Centro Dramático Nacional, co apoio de Agadic-Xunta de Galicia,a colaboración do Concello de Ames e o Concello de Santiago de Compostela