Faísca cultural 'To be or not to be: Hamlet'

O programa da

Faísca Cultural

‘To be or not to be:

Hamlet

’ comeza o 4 de marzo na Facultade de Ciencias da Educación (campus norte).

Poucas frases son tan incuestionables e universais como ‘To be or not to be’, polo que a eleximos como título desta nova Faísca Cultural, que se centrará no Hamlet de William Shakespeare cun enfoque moi particular, de novo da man co Centro Dramático Galego e dende diferentes disciplinas e áreas de coñecemento.

A Faísca Cultural é unha iniciativa artístico-pedagóxica que fomenta por riba de todo a reflexión cultural nas aulas, promovendo o pensamento crítico e o diálogo creativo, complementando así a formación académica do estudantado. O máis destacable é que esta actividade se desenvolve dunha forma interdisciplinar, de intercambio e relación entre seis facultades da USC, neste caso: Facultade de Ciencias da Comunicación, Facultade de Bioloxía, Facultade de Psicoloxía, Facultade de Filoloxía, Facultade de Ciencias da Educación e Facultade de Filosofía, en colaboración co Centro Dramático Galego, o que lle dá un peso importante no panorama teatral local.

O acceso ás actividades da Faísca é libre para toda a comunidade universitaria ata completar a capacidade dos espazos.

Fuente:

https://www.usc.gal//gl/servizos/area/cultura/eventos/faisca-cultural-be-or-not-be-hamlet