ARS ATLÁNTICA · CIDADES DE OURO E PRÁTA

XI CICLO DE LUGARES E ÓRGANOS · MÚSICAS E OUTRAS PAISAXES DE COMPOSTELA

Magali Revollar, Diego Blázquez, voces

Marco Brescia, órgano

Sara Ruíz, viola da gamba

Aland López, guitarra

Manuel Vilas, arpa vicerreinal peruana e dirección

CIDADES DE OURO E PRATA. MÚSICA ENTRE ESPAÑA E O VICERREINADO DO PERÚ

O ensemble Ars Atlántica, dirixido polo arpista Manuel Vilas, presenta en primicia para a clausura do festival

Cidades de Ouro e Prata,

un proxecto nacido dun coidadoso labor de investigación que recupera un patrimonio musical fermosísimo e case esquecido. O programa percorre músicas dos séculos XVII, XVIII e XIX, nun diálogo vivo entre a Península Ibérica e o antigo Vicerreinado do Perú. Repertorios sacros en latín e quechua —procedentes de cidades como Ayacucho e Cuzco—, músicas do ámbito vicerreinal andino como yaravíes e un singular harawi de tradición incaica, conviven neste concerto cheo de contrastes, cor e memoria. Inclúense tamén obras procedentes do arquivo musical do Seminario de San Antonio Abad de Cuzco, unha das fontes máis valiosas para coñecer a música peruana.

O elenco instrumental ofrecerá unha ampla paleta sonora, con instrumentos que gozaron dunha notable presenza no Perú vicerreinal: desde o órgano de tubos até a arpa peruana e a omnipresente guitarra, que definiron o son do Barroco hispano a ambos lados do Atlántico.

Fuente:

https://www.compostelacultura.gal/espectaculos/evento/ars-atl%C3%A1ntica-%C2%B7-cidades-de-ouro-e-pr%C3%A1ta