Alén

Danza contemporánea

Hai momentos nos que sentimos que algo se rompe por dentro. Non sabemos ben que vén despois, só que xa non somos quen eramos. Estamos entre dúas augas, entre dous nomes, entre dous mundos. O último alento antes do salto. Nese instante, entre o derrubamento e o renacemento, nace ALÉN.

ALÉN é unha creación escénica de danza contemporánea interpretada por catro intérpretes que nace do desexo de habitar o límite. Explora o “alén” non como un destino, senón como un proceso: o momento no que algo remata, mais o novo aínda non tomou forma. A peza propón unha vivencia poética e sensorial dese espazo intermedio, dun territorio suspendido onde a identidade se disolve para volver xurdir transformada. A través dunha proposta dancística dinámica e enérxica, as catro intérpretes móvense na fronteira entre o que fomos e o que estamos a piques de ser.

Intérpretes:

Esther Latorre, Paula Urquijo, Xián Martínez e Marc Fernández

Equipo artístico/técnico:

Dirección e autoria: Esther Latorre e Hugo Pereira

Coreografía: Esther Latorre

Música e espazo sonoro: José Pablo Polo

Vestiario: Adolfo Domínguez

Iluminación: Xacobo Castro

Asesoría de movemento danza tradicional galega: Iván Villar

Produción: Hugo Pereira · Colectivo Glovo

Duración: 55 minutos